ವಿಶೇಷ ಸೇವಾಪೂಜೆಗಳು ಮತ್ತು ಅದರ ಫಲ:

೧.ಪಲ್ಲಕ್ಕಿ ಉತ್ಸವ:ತ್ರಿಕಾಲದಲ್ಲಿಯೂ ನಡೆಯುವ ಬಲಿ ಉತ್ಸವದಲ್ಲಿ ದೇವರನ್ನು ಪಲ್ಲಕ್ಕಿಯಲ್ಲಿರುಸಿ ವಯಕ್ತಿಕ ಕಾರಣಗಳಿಗೆ ಸಂಕಲ್ಪಿಸಿ ದೇವರನ್ನು
ಹೊತ್ತು ಪ್ರಾಕಾರದಲ್ಲಿ ಪ್ರದಿಕ್ಷೆಯನ್ನು ಮಾಡುವುದರಿಂದ ಮಂಗಲಾದಿ ವಿಳಂಬ ಸಂಕಷ್ಟದಲ್ಲಿ(ಮದುವೆಗೆ ಸಂಬಂಧಿಸಿದ
ತೊಂದರೆಗಳಲ್ಲಿ) ಇರುವವರಿಗೆ ಪರಿಹಾರವಾಗುವುದು.

೨.ಪ್ರಾರ್ಥನಾ ಪೂಜೆ :
ಆಗಮೋಕ್ತವಾಗಿ ನಡೆಯತಕ್ಕಂತಹ ಪೂಜೆಯಲ್ಲಿ ತಮ್ಮ ಸಂಕಲ್ಪವನ್ನು ಇರಿಸಿ ದೇವರಿಗೆ ವಿಧಿಪೂರ್ವಕವಾಗಿ ಪೂಜಿಸಿ
ನೈವೇದ್ಯಾದಿಗಳನ್ನು ಸಮರ್ಪಿಸಿ ಪ್ರಾರ್ಥಿಸಿ ಬೇಡಿಕೊಳ್ಳುವುದರಿಂದ ತಮ್ಮ ಪ್ರಾರ್ಥನೆಯು ಫಲಿಸುವುದು.

೩.ತುಲಾಭಾರ ಸೇವೆ:
ದೇವರಿಗೆ ಸುವಸ್ತುಗಳಿಂದ ವಯಕ್ತಿಗವಾಗಿ ತುಲಾಭಾರ ಸೇವೆಯನ್ನು ಮಾಡಿಸುವುದರಿಂದ ಸಂಕಲ್ಪ ಸಿದ್ಧಿಯಾಗುವುದು.

೪.ಶ್ರೀರಂಗ ಪೂಜೆ:
ದೇವರಿಗೆ ಷಡ್ರಸೋಪೇತವನ್ನು ಸಿದ್ದಪಡಿಸಿ ಪರಿವಾರ ಸಮೇತ ಶ್ರೀ ರಾಮೇಶ್ವರನಿಗೆ ಸಮರ್ಪಿಸಿ ವಿಧಿಪೂರ್ವಕವಾಗಿ
ಶ್ರೀರಂಗಪೂಜೆಯನ್ನು ಸಲ್ಲಿಸಿದಲ್ಲಿ,ಎಲ್ಲ ವಿಧವಾದ ವ್ಯವಹಾರಿಕ ವ್ಯಾಜ್ಯಗಳಲ್ಲಿ ಜಯಲಭಿಸುವುದು.ಅಲ್ಲದೇ ಕೌಟುಂಬಿಕ
ಸಮಸ್ಯೆಗಳು ಪರಿಹಾರ ಆಗುವುದು.

೫.ಶಿವ-ಪಾರ್ವತಿ ಕಲ್ಯಾಣೋತ್ಸವ:
ಸರ್ವಜನ ವಶೀಕರಣದೊಂದಿಗೆ ಕೀರ್ತಿ ಲಾಭ,ಯಶೋ ಲಾಭ,ಧನ ಲಾಭಾದಿಗಳು ಪ್ರಾಪ್ತಿಯಾಗುವುದು.

೬.ಶ್ರೀ ರುದ್ರ ಹೋಮ:
ಸಂಸಾರದ ಸರ್ವ ದುಃಖಗಳನ್ನು ನಾಶ ಮಾಡುವಂತಹ ಪರಮ‌ ಪವಿತ್ರವಾದ ರುದ್ರಮಂತ್ರಗಳಿಂದ ಶ್ರೀ‌ದೇವರನ್ನ ಅರ್ಚಿಸಿ ಪೂಜಿಸಿ
ಹೋಮಿಸುವುದರಿಂದ ಪಾಪ ಪ್ರಾಯಶ್ಚಿತವಾಗುವುದಲ್ಲದೇ ಪುಣ್ಯ ಪ್ರಾಪ್ತಿಯಾಗುವುದು.

೭.ಅಸ್ತ್ರ ಪೂಜೆ:
ದೇವರಲ್ಲಿ ರಜತ ತ್ರಿಶೂಲವನ್ನು ಹರಕೆರೂಪದಲ್ಲಿ ಪ್ರಾರ್ಥಿಸಿ ಪೂಜಿಸಿ ಅಸ್ತ್ರ ಮಂತ್ರಗಳಿಂದ ಹೋಮಿಸಿ ಆ ಅಸ್ತ್ರವನ್ನು ದೇವರಿಗೆ
ಸಮರ್ಪಿಸುವುದರಿಂದ ಆಭಿಚಾರದ ತೊಂದರೆಗಳಿಂದ ಮುಕ್ತರಾಗಬಹುದು.

೮.ಸ್ವಯಂವರ ಪಾರ್ವತಿ ಮತ್ತು ತ್ರೈಲೋಕ್ಯ ಸಮ್ಮೋಹಿನಿ ಗೌರಿ ಅನುಷ್ಠಾನ:
ಪಾರ್ವತಿಯ ಸನ್ನಿಧಾನದಲ್ಲಿ ಸ್ವಯಂವರ ಮತ್ತು ತ್ರೈಲೋಕ್ಯ ಸಮ್ಮೋಹಿನಿ ಗೌರಿ ಮಂತ್ರಗಳಿಂದ ಜಪ,ಹೋಮಾದಿಗಳನ್ನೊಳಗೊಂಡ
ಅನುಷ್ಠಾನ ಮಾಡುವುದರಿಂದ ಶ್ರೀಘ್ರದಲ್ಲಿ ಕನ್ಯೆಗೆ ವರ ಹಾಗೂ ವರನಿಗೆ ಕನ್ಯೆ ಕೂಡಿಬರುತ್ತದೆ.

೯.ವೀರಭದ್ರ ಜಪಹೋಮ:
ವೀರಭದ್ರ ಮೂಲ ಮಂತ್ರವನ್ನು ಜಪಿಸಿ ಹೋಮ ಮಾಡುವುದರಿಂದ ವಾಮಾಚಾರ ದೋಷಗಳು ಪರಿಹಾರವಾಗುತ್ತದೆ.

೧೦.ಅಥರ್ವಶೀರ್ಷ ಹೋಮ:
ಗಣಪತಿ ಉಪನಿಷತ್ ಮಂತ್ರದಿಂದ ಚತುರ್ದ್ರವ್ಯಗಳಿಂದ ಹವನ ಮಾಡುವುದರಿಂದ ವಿಘ್ನ ನಿವಾರಣೆಯಾಗುತ್ತದೆ.

೧೧.ಪುರುಷಸೂಕ್ತ ಹೋಮ:
ಪುರುಷಸೂಕ್ತ ಮಂತ್ರದಿಂದ ವಿಠ್ಠಲ ದೇವರ ಸನ್ನಿಧಾನದಲ್ಲಿ ಅನುಷ್ಠಾನ ಮಾಡುವುದರಿಂದ ಸಂತಾನಪ್ರಾಪ್ತಿಯಾಗುತ್ತದೆ.

೧೨:ಆಶ್ಲೇಷ ಬಲಿ ಮತ್ತು ತನುಪೂಜೆ:
ಈ ಸೇವೆಯನ್ನು ಸಲ್ಲಿಸುವುದರಿಂದ ನಾಗದೋಷವು ಪರಿಹಾರವಾಗುತ್ತದೆ.

೧೩.ದೀಪನಮಸ್ಕಾರ ಸೇವೆ:
ಈ ಸೇವೆಯನ್ನು ಜಗನ್ಮಾತೆ ಪಾರ್ವತಿಯ ಸನ್ನಿಧಾನದಲ್ಲಿ ಸಲ್ಲಿಸುವುದರಿಂದ ಸ್ರ್ರೀ ಸಂಬಂಧಿ ದೋಷಗಳು ಪರಿಹಾರವಾಗುತ್ತದೆ.

೧೪.ಮಹಾಮೃತ್ಯುಂಜಯ ಜಪ ಹೋಮ

ಮೃತ್ಯುಂಜಯ ಮಂತ್ರಗಳಿಂದ ಶ್ರೀ ದೇವರ ಸಾನಿಧ್ಯದಲ್ಲಿಯೇ ಮಾಡಿಸುವುದರಿಂದ ಅಪಮೃತ್ಯುವಾದಿ ಎಲ್ಲ ವಿಧವಾದ ಮೃತ್ಯು
ನಿವಾರಣೆಯಾಗುವುದಲ್ಲದೇ ಶೀಘ್ರ ಆರೋಗ್ಯಪ್ರದವಾಗುತ್ತದೆ.

೧೫.ಕಾರ್ತೀಕ ದೀಪೋತ್ಸವ ಸೇವೆ:
ಕಾರ್ತೀಕ ಮಾಸದಲ್ಲಿ ಈ ಸೆವೆಯನ್ನು ಮಾಡಿಸುವುದರಿಂದ ಬದುಕಿನಲ್ಲಿ ಇರತಕ್ಕಂತಹ ಅಂಧಕಾರವು ದೂರವಾಗಿ ಜ್ಞಾನತ್ವವು
ಪ್ರಾಪ್ತಿಯಾಗುತ್ತದೆ.